филиал вгтрк государственная телерадиовещательная компания “Алания”

Санкт-Петербурджы ахуыргæндтæ ныртæккæ иртасæн куыст кæнынц Цъæйы. Бæстон кæсынц егъаудæр цъититæй иумæ. Кавказы ахæм объекттæй нымад у æппæтæй ныллæгдæрыл, æрхизы 2200 метры онг, денджызы æмвæзадæй. Йæ дæргъ у 9 километры, йæ иумæйаг фæз та 10 квадратон метры. Цъитимæ мит хæццæ кæны Адай-Хохæй. Кавказ у, дунейы æппæтæй фылдæр иртæстытæ кæм цыдысты æмæ цæуынц, ахæм регион. Стæй ма у доны ахсджиагдæр гуырæнтæй иу. Ам цъитидæттæ тайыны мгъуыд XXI-æм æнусы сырæзт 4 хатты, ивгъуыд æнустимæ абаргæйæ. Специалисттæ уый бæттынц, сæрдыгон уæлдæфы температурæ кæй сырæзт, стæй ма хуры радиаци кæй фæтынгдæр, уыимæ. Ахæм фæзындтытæ абарæн ис Европæйаг Альпты æмгъуыдимæ.