«Театр – скъолатæм!» – афтæ схуыдтой, фидæны педагогтæ нæ республикæмæ кæй сластой, уыцы егъау ахуырадон программæ
Санкт-Петербурджы Герцены номыл Паддзахадон педагогон институты театралон аивады кафедрæйы магистратурæйы студенттæн арæзт æрцыд Цæгат Ирыстонмæ экспедици. «Театр – скъолатæм!» – афтæ схуыдтой, фидæны педагогтæ нæ республикæмæ кæй сластой, уыцы егъау ахуырадон программæ. Семинартæ, дæсныйадæвдисæг ахуыртæ, студентон проектты презентацитæ. Фæсивæд сæ къорды разамонæгимæ, университеты профессор Татьяна Поляковаимæ 12 боны дæргъы æмбæлдзысты театралон студиты коллективтимæ республикæйы æппæт районты. Санкт-Петербурджы театралты экспедици арæзт цæуы, сæрмагонд программæ «Открываем Россию заново» æххæст кæнгæйæ. Мадзал фæуыдзæн егъау конференцийæ. Уыдзæн абон Дзæуджыхъæуы.
