4 адæймаджы 2 азмæ арвитдзысты Сомихмæ, цæмæй сахуыр кæной рагон æмæ нырыккон сомихаг æвзæгтæ
Сбæрæг сты, Уæрæсейы наукæты академийы Дзæуджыхъæуы наукон центры цы æвзæрстытæ уыд, уыцы уæлахиздзауты нæмттæ. 4 адæймаджы 2 азмæ арвитдзысты Сомихмæ, цæмæй сахуыр кæной рагон æмæ нырыккон сомихаг æвзæгтæ. Уыцы ахуырты фæстæ сæ бон уыдзæн, фæскавказы республикæйы архивты цы къухфыстытæ ис, уыдонимæ кусын. Уæ зæрдыл уын æрлæууын кæндзыстæм, Дзæуджыхъæуы наукон центр «РАН»-ы делегаци кусæг балцы уыд Сомихы. Æрныхас дзы кодтой ахуырад æмæ медиа тыгъдады къабазты проектты рæзтыл. Уымæй уæлдай, кусæг фембæлдтытæ уыд Сомихы академион æмæ наукон æхсæнады минæвæрттимæ. Нæ делегаци бабæрæг кодта бæстæйы æппæтæй стырдæр рагон сомихаг къухфыстыты архив, стæй Месроп Маштоцы номыл рагон къухфыстыты институт. Ацы аз, мартъийы институтимæ бафыстой æмгуыстады бадзырд. Ирыстоны минæврттæн уæлдай ахсджиаг уыдысты алайнаг – ирон æвзаджы тыххæй рагон гуырæнтæ.
