Арæзтадон фæзмæ ма æрбацыд футболон тренер Черчесты Станислав
Цæгат Ирыстоны Сæргълæууæг Сергей Меняйло æмæ Уæрæсейы спорты министр Олег Матыцин сбæрæг кодтой, республикон стадион «Спартачы» рацарæзт куыд цæуы, уый. Арæзтадон фæзмæ ма æрбацыд футболон тренер Черчесты Станислав. Федералон ведомствойы разамонæгæн радзырдтой куыстыты алы къæпхæны тыххæй дæр. Абоны онг объекты цæттæдзинад у 65 проценты онг. Регионы разамонæг куыд радзырдта, афтæмæй сæйраг куыстытæ хъуамæ фæуой 15-æм майы онг. Æмæ уæд аренæ «Алани»-йы фыццаг хæдзарон матч суазæг кæдзæн, Уæрæсейы фыццаг бынат рамбулыны радон ерысты. Реконструкцийы тыххæй бæстон радзырдты республикæйы Сæргълæууæджы уынаффæгæнæг Моргуаты Константин.
Бæрнон кусджытæ ма бабæрæг кодтой ног ихын фæз. Спорткомплекс хорз бынат суыдзæн спорты ихын хуызты рæзтæн. Аренæйы территорийы дыууæ фæзы, трибунæтæ 500 бынатæн, æртæ спортивон залы, дзаумæттæивæн бæстыхæйттæ æмæ фысымуат. Федералон министры балц фæци Цæгат Ирыстоны спортивон æхсæнадимæ фембæлдæй.
