Бæлвырддæр та хуыйджыты цæттæ кæныны къабазы
Сергей Меняйло ахуырады æмæ наукæйы министрадæн æмæ профилон ведомствотæн бабар кодта куыстадон практикæйыл бакусын. Бæлвырддæр та хуыйджыты цæттæ кæныны къабазы. Уый тыххæй республикæы Сæргълæууæг фехъусын кодта аппаратон æмбырды. Чемпионат «Профессионалы»-йы уæлахиздзаутæн æмæ призертæн фадат уыдзæн республикæйы хуыздæр фæзты стажировкæ ацæуынæн. Æмбырды ма ныхас цыд эпидемиологон уавæрыл. Рынчынты нымæц фæкъаддæр 10%, коронавирусы инфекцийæ та рабæрæг кодтой 28 ног цауы. Æмбырды ма ныхас цыд уæзласæн транспорты уавæрыл дæр. Ныртæккæ республикæйы фæндæгты Уæрæсейаг-гуырдзиаг арæнты сæрты ахизынмæ рады лæууынц 1321 машинæйы. Уæллаг Ларсы уадзæн пункт кусы æрвылбоны фæткмæ гæсгæ. Сергей Меняйло ма бабар кодта хæстæгдæр рæстæг сног кæнын маршрутон автобусты цыд Дзæуджыхъæуæй – Аэропортмæ. Куыд фæнысан кодтой, афтæмæй ныртæккæ Дзæуджыхъæуæй – Беслæнмæ маршрутыл кусынц 25 транспортон фæрæзы. Стыр æргом ма аздæхтой æнæниздзинадхъахъхъæнынады къабазы рацарæзтмæ. Уымæ гæсгæ 30 объекты бацæттæ кодтой медицинон æххуыс кæнынмæ. Бабар ма кодтой дæрддзæф хъæуты афтектæ байгом кæнын дæр.
