Æмбырды фæткыл дзургæйæ, вице-премьер Томайты Ирбег фехъусын кодта, ивгъуыд къуыри цæстдарæн
Республикæйы сæргълæууæг Сергей Меняйло аппаратон æмбырды раарфæ кодта, æвзæрстытæ аразыны æмæ æххæст кæныны чи архайдта, уыдонæн. Æмбырды фæткыл дзургæйæ, вице-премьер Томайты Ирбег фехъусын кодта, ивгъуыд къуыри цæстдарæн — уадзæн пункт «Уæллаг Ларс»-ы уылты арæныл дыууæрдæм ахызт 29 мин машинæйы бæрц. Республикæйы фæндæгтыл сæмбырд 775 уæзласæны. Йæ ныхæстæм гæсгæ ма, ивгъуыд къуыри барадхъахъхъæнæн структурæтæ 35 хатты бакуыстой тæрхондæтты æмæ ахуыргæнæндæтты бæстыхæйтты рæмудзæн æрмæджытæ кæй ис, ахæм хъусынгæнинæгты фæдыл. Сгарæн мадзæлтты бæрæггæнæнтæм гæсгæ, информаци мæнг разынд. Уымæй уæлдай ма фæлхасадмæ цæстдарды управленийы специалисттæ радзырдтой, ивгъуыд къуыри ковидæй ног рынчынты нымæц 6 æмæ *рдæг проценты кæй фæкъаддæр, 30 проценты къаддæр адæм цыдысты æххуысмæ медицинон куыстуæттæм. Сергей Меняйло бабар кодта, сæрмагондæй цæст дарын туаггуыры станцæты куыстмæ.
Ныхас цыд арæзтадон объектты цæттæдзинадыл дæр. Хæстæгдæр 7 боны ма республикæйы бындурон цалцæджы фæстæ байгом уыдзæн ноджыдæр 3 скъолайы. Октябры фæуыдзæн паддзахадон ансамбль «Алан»-ы бæстыхайы цалцæг, куыстытæ фæткмæ гæсгæ æххæстгонд цæуынц. Мæздæджы æмæ Горæтгæрон районты объекттæн проектон-сметон документаци бацæттæ кæнынæн Цæгат Ирыстонæн радих кодтой уæлæмхасæн 35 милуан сомы. Ныхас цæуы фельдшерон-акушерон пункты, спорткомплексы, хъазæн фæзты, музыкалон скъолайы арæзтадыл. Æдæппæтæй 13 объекты. Арæзтады æмæ архитектурæйы министр Моргуаты Константин фехъусын кодта, документтæ афæдзы кæронмæ кæй сцæттæ уыдзысты. Сергей Меняйло бабар кодта, уыцы куыст фæтагъддæр кæнын.
