Амыдта йæ территориалон ведомствойы разамонæг Валерий Устов
Республикæйы Сæргълæууæг Сергей Меняйло архайдта Слестгæнæн Комитеты слестгæнæн управленийы уæрæхгонд коллегийы. Амыдта йæ территориалон ведомствойы разамонæг Валерий Устов. Бæрнон кусджытæ хатдзæгтæ скодтой ивгъуыд азы куыстæн. Ведомствæ æнтыстджынæй куыста æхсæнадон æдасдзинад бахъахъхъæныныл. Бæлвырддæр та терроризмы æмæ экстремизмы, стæй экономикон фыдракæндты ныхмæ мадзæлттыл. Сергей Меняйло раарфæ кодта следстгæнæн управленийы кусджытæн, Слестгæнæн Комитеты сарæзты боны фæдыл. Бæрæггонд цæуы 15-æм январы 2011-æм азæй фæстæмæ. Регионы разамонæг ма куыд бафиппайдта, афтæмæй алы хъуыддаджы дæр ис хицæн адæймæгты хъысмæт, уымæ гæсгæ слестгæнджытæ сæ профессионалон хæстæ хъуамæ æххæст кæной уæлдай бæрнондæрæй. Республикæйы Сæргълæууæджы указмæ гæсгæ «Ирыстоны Намысы» майданæй хорзæхджынгонд æрцыд Дзæуджыхъæуы Ирыстойнаг районты хсæн слестгæнæн хайады разамонæг Дзараусты Олег. Цæгат Ирыстоны сгуыхт юристы ном та лæвæрд æрцыд слестгæнæн управленийы разамонæджы хæдивæг Василий Сироткинæн æмæ Цæгат-Ныгуылæн районты хсæн хайады разамонæг Мæргъиты Сосланæн. Цалдæр кусæгæн та саккаг кодтой кады гæххæттытæ æмæ сахаттæ.
