Ныхас кодтой Дзæуджыхъæуы зындгонд режиссеры Хæдзар-музей саразыны проектыл
Сергей Меняйло фембæлд Евгений Вахтанговы номыл Паддзахадон академион театры директор Кирилл Крокимæ, стæй фыццаградон программæ «Культура»-йы разамонæг Атайты Мæдинæимæ. Ныхас кодтой Дзæуджыхъæуы зындгонд режиссеры Хæдзар-музей саразыны проектыл. Сергей Меняйло куыд бафиппайдта, афтæмæй республикæйы разамынд стыр аргъ кæны Вахтанговы театримæ. Уымæй дарддæр ма загъта, Хæдзар-музейы фæрцы нæ регионы рæздзæн культурæ. Ныртæккæ дзы цæуынц цалцæггæнæн-реставрацион куыстытæ. Музей байгом кæнын нысан кæнынц ацы аз. Афтæмæй ма сбæрæг кæндзысты Евгений Вахтанговы номыл Мæскуыйы Паддзахадон Академион театры 100 азы стæй Дзæуджыхъæуы Уырыссаг Академион театры 150 азы юбилейтæ. Уый дæр, куыд зонæм, афтæмæй хæссы нæ зындгонд æмзæххоны ном.
