Коронавирусы инфекци парахат кæныны уавæр ныр дæр актуалон у æнæхъæн бæстæйæн æмæ Цæгат Ирыстонæн дæр
Коронавирусы инфекци парахат кæныны уавæр ныр дæр актуалон у æнæхъæн бæстæйæн æмæ Цæгат Ирыстонæн дæр. Йæхи амбулаторон уагæй чи дзæбæх кæны, уыдон хъуамæ æнæ къуылымпытæй исой хостæ æмæ æмбæлгæ медицицнон æххуыс. Ацы æмæ æндæр фарстатыл кусæг фембæлды æрныхас кодтой Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло, æнæниздзинадхъахъхъæнынады министры хæстæ æххæстгæнæг Годжысаты Тамерлан, стæй фæлхасгæнджыты бартæ хъахъхъæныны Федералон службæйы Управленийы разамонæг Тыбылты Алан. Профилон ведомствоты разамонджытæ бацæттæ кодтой бæстон докладтæ эпидемиологон уавæры тыххæй. Сергей Меняйло бабар кодта коронавирусы тестыты куыст фæахадгæдæр кæнын, æмæ республикæйы цæрджытæн вакцинацийы ахсджиагдзинад æмбарын кæнын. Æрмæст иумæйаг архайды фæрцы ис хи ацы хæцгæ низы æртыккаг уылæнæй бахъахъхъæнын, загъта Сергей Меняйло.