15 хуыздæр студенты æппæт факультеттæй регионы разамонæгмæ лæвæрдтой сæ фæрстытæ
Абон у студентты Æппæтуæрæсеон бон. Уый кадæн Сергей Меняйло фембæлд Цæгат Ирыстоны паддзахадон университеты ахуыргæнинæгтимæ. 15 хуыздæр студенты æппæт факультеттæй регионы разамонæгмæ лæвæрдтой сæ фæрстытæ. Университеты ректор Огъуаты Алан радзырдта, сæ ахуыргæнæндоны Татьянæйы бон куыд бæрæг кæндзысты, уый тыххæй. Фидæны юристтæ фехъусын кодтой сæ фæндон – хорз уаид, сæрмагонд æфсæддон операцийы архайджытæн сæ бон лæвар юридикон æмæ психологон æххуыс кæнын куы уаид, уæд. Уый тыххæй та сæ хъæуы республикæйы сæргълæууæджы фарсхæцт. Сергей Меняйло раарфæ кодта фæсивæдæн, æмæ загъта – фидæн ацы лæппутæй æмæ чызджытæй аразгæ кæй у, уый. Уымæ гæсгæ ахсджиаг у, сæ фæндтæ æмæ бæллицтæ царды æххæст кæнын.
