Сæргълæууæг студенттæн бабар кодта къордтыл адих кæнын, æмæ афтæмæй Ирыстоны культурон бынты истори иртасын райдайын
Сергей Меняйло фембæлд Хетæгкаты Къостайы номыл Цæгат Ирыстоны паддзахадон университеты историон факультеты студенттимæ æмæ ахуыргæнджытимæ. Фембæлд саразыны хъæппæрис разынд регионы разамонæгмæ йæхимæ. Сергей Меняйло студенттæн бабар кодта къордтыл адих кæнын, æмæ афтæмæй Ирыстоны культурон бынты истори иртасын райдайын. Сæ ахуыргæнджыты разамындæй фæсивæд иртасдзысты объекттæ, сæ истори æмæ сæ рацарæзты гæнæнтæ. Ахæм ахадгæ куыстæн уыдзæн стыр нысаниуæг. Бæлвырддæр та сæ иртасæн куыст нымад цæудзæн зачеты хуызы. Ацы фембæлдмæ ма æрбахуыдтой профилон ведомствоты разамонджыты. Цæгат Ирыстоны историон бынæттæ иумæйаг хъарутæй сног кæныныл архайд у ахсджиаг рухстауæн куыст.
300 студенты онгæн фадат уыд республикæйы Сæргълæууæгмæ фарст раттынæн. Ныхас кодтой нæ горæты иумæйаг архитектурон хуыз снысан кæныныл. Уæдæ стыр æргом аздæхтой сæрмагонд æфсæддон операцийы цыдмæ дæр. Студентты фæндыд базонын, нæ фсæддонтæ уæлæдарæсæй æмæ техникæйæ куыд ифтонг сты, уый. Республикæйы Сæргълæууæг стыр аргъ скодта ирыстойнаг лæппуты лæгдзинадæн, стæй бархионты батальонтæ Алания æмæ Штормы ахадгæ архайдæн. Сергей Меняйло радзырдта йæхи æфсæддон фæндаджы тыххæй дæр. Лæппутæн æмæ чызджытæн раргом кодта йæ царды мысинæгтæ.
