Ныхас кодтой, Дзæуджыхъæуы августы боксы изæр саразыныл
Сергей Меняйло фембæлд Уæрæсейы боксы Федерацийы генералон секретарь Кирилл Щекутьевимæ стæй дунейы уæззау уæзы раздæры чемпион боксæй Гасситы Муратимæ. Фембæлды ныхас кодтой, Дзæуджыхъæуы августы боксы изæр саразыныл. Уымæй дарддæр ма стыр æргом аздæхтой – хæххон районы боксы центр байгом кæнынмæ, стæй Беслæны, спорты рæзты сæрмагонд программæ æххæст кæнгæйæ, спортивон скъола саразынмæ. Ахуыртæ дзы уыдзысты лæвар, куыд профессионалон спортсментæн, афтæ сывæллæттæн дæр. Æппæт лыстæг хъуыддæгтыл куы бакусой, уæд бафысдзысты сæрмагонд бадзырд. Кирилл Щекутьев куыд загъта, афтæмæй ахæм хъуыддæгтæ æнтыстджынæй æххæст кæнынц нæ бæстæйы бирæ регионты. Зæгъæм, боксы Федерацийы хъæппæрисæй байгом кодтой дæсгай залтæ. Дæнцæгæн æрхæсдзыстæм Кемеровы облæсть. Уым боксæй архайынæн байгом кодтой 30 залы.
