20 апреля 2021, 13:35
Сергей Меняйло кусæг фембæлд сарæзта Иры Стыр ныхасы сæрдар Кучиты Русланимæ
Ныхас цыд рæзгæ фæлтæры хъомыладыл, национ культурæ сын уарзын кæныныл, ирон æвзаг æмæ литературæйы рæзтыл æмæ сæ бахъахъхъæныныл кусыныл
Цæгат Ирыстоны Сæргълæууæджы хæстæ рæстæгмæ æххæстгæнæг Сергей Меняйло кусæг фембæлд сарæзта Æппæтадæмон æхсæнадон змæлд «Иры Стыр ныхас»-ы сæрдар Кучиты Русланимæ. Ныхас цыд рæзгæ фæлтæры хъомыладыл, национ культурæ сын уарзын кæныныл, ирон æвзаг æмæ литературæйы рæзтыл æмæ сæ бахъахъхъæныныл кусыныл. Республикæйы Сæргълæууæджы хæстæ рæстæгмæ æххæстгæнæг куыд бафиппайдта, афтæмæй «Стыр ныхасы» архайд хъуамæ арæзт уа ирон адæмы æрбангом кæнынмæ. Уыимæ, ам кой цæуы, канд нæ республикæйы чи цæры, уыдоныл нæ, фæлæ ма æнæдр регионты æмæ суанг фæсарæнты чи æрбынæттон ис, уыцы ирон адæмыл дæр.
