Конкурсы архайдтой 13 скъоладзауы, æрыгон ахуыргонды æмæ специалисты наукон куысты
Сергей Меняйло схорзæхджын кодта, республикæйы сæргълæууæджы преми райсыны конкурсы лауреатты наукæ æмæ техникæйы къабазы. Конкурсы архайдтой 13 скъоладзауы, æрыгон ахуыргонды æмæ специалисты наукон куысты. Уæлахиздзаутæ систы 6 проекты. Артур Пех Хæххон паддзахадон аграрон университетæй, Корбесты Кетеван, Дзобелаты Лаурæ æмæ Дзампаты Жаннæ Уæрæсейы наукæты академийы дзæуджыхъæуккаг наукон центрæй нымад æрцыдысты хуыздæр æрыгон ахуыргæндтыл. Скъоладзауты хсæн уæлахиздзаутæ систы æртыккæгæм скъолайы ахуырдзау Чиуиты Азæмæт, 26-æм скъолайы минæвар Эрик Медведев, стæй инновацион сфæлдыстады фæсивæдон центр «Fablab Alania»-йы авторон коллектив. Уæлахиздзаутæн радтой лауреатты дипломтæ æмæ æхцайы премитæ.