Æрдзырдтой республикæйы нымæцон инфраструктурæйы райрæзты мадзæлттыл
Цæгат Ирыстоны сæргълæууæг Сергей Меняйлойæн кусæг фембæлд уыд макрорегионалон филиал «Юг» акционерон æхсæнад «Ростелеком» -ы вице-президент æмæ директор Сергей Мордасовимæ. Æрдзырдтой республикæйы нымæцон инфраструктурæйы райрæзты мадзæлттыл. Сергей Мордасов радзырдта, регионы социалон ахадындзинад кæмæн ис, уыцы проектты тыххæй. Сæ хыгъды – Цæгат Ирыстоны æппæт муниципалон скондты адæмæн саразын, æнæнхъæлæджы цауы рæстæг, æвæстиатæй хъусынгæнæн системæ. Ныхас ма цыд паддзахадон æмæ муниципалон лæггæдтæ электрон хуызмæ баивыныл, уынгты рухсытæ дæр рацаразын нымæцон модель хынцгæйæ, цæрæнуæтты коммуналон хæдзарады иумæйаг платформæ саразын. «Ростелеком» -ы вице-президент ма куыд фæбæрæг кодта, афтæмæй ныридæгæн паддзахадон структурæтæн, бизнесæн æмæ республикæйы цæрджытæн сæ куыстуат сарæзта æнæхъæн нымæцон лæггæдты экосистемæтæ. Уыимæ алкаддæр цæттæ сты æмгуыстадмæ. Дзæуджыхъæуы, Алагиры æмæ Мæздæджы æнтыстджынæй кусы «Ростелекомы» арæзт видеоцæстдарæн системæ. Сергей Меняйлойы ныхæстæм гæсгæ, республикæйы куыст цæуы нымæцон регион саразыны хъуыддагыл. Сæйрагдæр нысан у скъолаты, горæтты æмæ хъæуты уынгты æдасдзинады мадзæлттæ фæахадгæдæр кæнын. Нымæцон технологиты фæрцы ма зæрдæ дарæн ис, рынчындæтты æмæ поликлиникæты куыст фæхуыздæр кæныныл. Кусæг фембæлды архайджытæ сбæрæг кодтой республикæйы проектты дарддæры куыст. Зæгъын хъæуы уый дæр, æмæ технологон хæстæй уæлдай ма «Ростелеком» Цæгат Ирыстоны кæй æххуыс кæны фæсивæдон, социалон æмæ ахуырадон мадзæлттæ саразыны хъуыддæджы. Ацы аз ма сæ фæрцы арæзт æрцыд грантон ахуырадон фæсивæдон проект «Цифровая возможность», уый æххуыс у нымæцон зонындзинæдтæ фæфылдæр кæнынæн.
