филиал вгтрк государственная телерадиовещательная компания “Алания”

Цæгат Ирыстоны сæргълæууæг Сергей Меняйлойæн кусæг фембæлд уыд Уæрæсейы Федералон архивон агентады разамонæджы хæдивæг Андреем Юрасовимæ. Сæйраг темæтæ баст уыдысты республикæйы архивон хъуыддаджы рæзтимæ, æмæ Центрон паддзахадон архивæн ног бæстыхай саразынимæ. Андрей Юрасов раарфæ кодта Цæгат Ирыстоны сæргълæууæгæн, архивты куыстмæ ахæм бæстон цæстдард кæй цæуы, уый тыххæй. Уæрæсейы архивы минæвар ма радзырдта, ацы бонты нæ республикæйы архивон куыстуæттæ кæй бабæрæг кодта, базонгæ сæ уавæртимæ, аныхас кодта кусджытимæ, уый тыххæй. Стыр аргъ скодта специалистты дæсны архайдæн æмæ фондты хъæздыгдзинадæн.