Æрныхас кодтой регионы зынгсирвæзтыты ныхмæ службæйы арæзтадыл æмæ Транскамы æдасдзинады мадзæлттыл бакусыны фарстатыл
Республикæйы Сæргълæууæг Сергей Меняйлойæн кусæг фембæлд уыди статс-секретарь – граждайнаг хъахъхъæнынады, æнæнхъæлæджы цауты æмæ сæ фæтиуджытæ иуварс кæныны фарстаты фæдыл министры хæдивæг Алексей Серкоимæ. Æрныхас кодтой регионы зынгсирвæзтыты ныхмæ службæйы арæзтадыл æмæ Транскамы æдасдзинады мадзæлттыл бакусыны фарстатыл. Куыд фæнысан кодтой, афтæмæй Цæгат Ирыстоны нысан кæнынц службæйы 4 дæлхайады арæзтад, конд цæудзысты къæпхæнгай: Дзуарыхъæуы, Мамысоны, Мацутæйы æмæ станицæ Павлодольскæйы. Ацы ногдзинæдтæ фадат ратдзысты зынгсирвæзтыты рæстæг оперативондæрæй архайынæн, материалон æгъдауæй къаддæр зиан æрхæссынæн, уыимæ та дзы къаддæр уыдзæни хъагдардбаййафджытæ дæр.
