Фембæлды архайджытæ æрныхас кодтой спорты ацы хуызы фидæныл
Республикæйы Сæргълæууæг Сергей Меняйлойæн кусæг фембæлд уыди Уæрæсейы фехтованийы федерацийы президент Ильгар Мамедовимæ. Фембæлды архайдта нæ республикæйы фехтованийы президент, парламенты депутат Хæдарцаты Аслæнбег дæр. Ильгар Мамедов разыйæ баззад, спорты ацы хуызæй Уæрæсейы фемпионат Цæгат Ирыстоны цы æмвæзадыл ацыди, уымæй. Йæ ныхæстæм гæсгæ, уый дзурæг у, фехтованимæ республикæйы цæрджытæм, уæлдайдæр та фæсивæдмæ цымыдисдзинад кæй ис, ууыл. Æппæтуæрæсеон ерыстæ цæуынц ныр 11-æм аз, æмæ архайджыты уыцы рæстæгмæ Дзæуджыхъæу суазæг кодта 3-аг хатт. Фембæлды архайджытæ æрныхас кодтой спорты ацы хуызы фидæныл. Сæйрагдæр та ныхас цыди спортивон инфраструктурæ саразыныл, æмæ фехтованийæ архайынæн æппæт хъæугæ нырыккон уавæртæ саразыныл. Цы фæндонтæ бахастой, уыдоны хсæн Цæгат Ирыстоны фехтованийы зал, кæнæ та комплекс саразыны хъæппæрис.
