Æрныхас кодтой республикæйы æмæ федералон паддзахадон компанийы æмгуыстады фарстатыл
РЦИ-А Сæргълæууæджы хæстæ рæстæгмæ æххæстгæнæг Сергей Меняйлойæн кусæг фембæлд уыди «Уæрæсейы почтæ»-йы директор Сергей Муратовимæ. Æрныхас кодтой республикæйы æмæ федералон паддзахадон компанийы æмгуыстады фарстатыл. Уæрæсейы почтæйы хыгъдмæ Цæгат Ирыстоны хауы 5 почтамты. Дзæуджыхъæуы, Рахизфарсы, Æрыдоны, Мæздæджы æмæ Алагиры районты. Æдæппæтæй сты 173 бастдзинады хайады. Сергей Меняйло йæ раныхасы куыд загъта, афтæмæй республикæйы цæрджытæн почтæйы куыст у ахсджиаг æмæ традицион. Уæрæсейы почтæйы хайæдтæ сты дæрддзæф хъæуты районты центртимæ иугæнæг, æмæ сæ хъæуы бахъахъхъæнын, цалфæнды адæймагæн куы лæггад кæной, уæддæр. Ацы хъуыддаджы цæттæ дæн алывæрсыг æххуыс бакæнынмæ, загъта республикæйы разамонæг. Сергей Муратов дæр йæхи рдыгæй загъта, Уæрæсейы почтæ Цæгат Ирыстоны йæ куыст аразы инфраструктурæ сног кæнынмæ. Почтæйы хайæдтæ кусынц республикæйы æппæты дæрддзæф хъæуты дæр. Паддзахадон компанийы сæйрагдæр хæс раздæрау у лæггæдты хæрзхъæддзинад хуыздæр кæнын, уыимæ, нырыккон форматы. Йæ ныхæстæм гæсгæ, компани йе ххуысы хай бахæсдзæн хъæлæс кæныны иумæйаг боны фæлгæты æвзарджытæм афоныл хъæугæ информаци хæццæ кæныны хъуыддаджы.
