Сæйраг темæ – льготæтæ кæмæ ис, уыцы категорийæн хостæ дæттын
Республикæйы Сæргълæууæджы барты бацæугæйæ, Сергей Меняйлойы разамындæй арæзт æрцыд аппаратон æмбырд. Сæйраг темæ – льготæтæ кæмæ ис, уыцы категорийæн хостæ дæттын. Регионы разамонæг куыд бафиппайдта, афтæмæй республикæйы цæрджытæй дарддæр цæуынц хъæстытæ, æмæ æнæниздзинадхъхахъхъæнынадмæ цæстдарды Управленийæн бабар кодта системæмæ æркæсын. Уæлдай æргом аздахын хъæуы инсулины фарстамæ. Уымæй дарддæр – 1-æм октябрьмæ Цæгат Ирыстон хъуамæ бадæтта курдиат, цæмæй инфраструктурæйы рæзтæн райса кредит иу миллиард æмæ 500 милуан сомы. Сергей Меняйло ма загъта, Дзæуджыхъæуы рцаразын кæй хъæуы, уарынты дон кæдæм кæлы, уыцы канализаци. Уымæй дарддæр республикæйы разамонæг бабар кодта æппæт инвестицион фæзтæн паспорттæ скæнын. Уымæн æмæ, зæххытæ кæмæн радтой, æмæ сыл проекттæ кæм не ххæст кæнынц, уыдон хъæуы фæстæмæ исын. Уый хауы, Беслæны бæхты заводы раз цы зæххы хай ис, уымæ. Уыцы фæз хъæуы райрæзтæн. Горæты исбонмæ та раздахын хъæуы завод Электроцинчы территори. Сергей Меняйло ма хицауады уæнгтæн бабар кодта активондæрæй Президенты хæслæвæрдтæ æххæст кæнын.
