Ныхас дзы цыд коронавирусы инфекци парахат кæнын ма бауадзыны мадзæлттыл.
Сергей Меняйлойы разамындæй арæзт æрцыд оперативон штабы радон æмбырд. Ныхас дзы цыд коронавирусы инфекци парахат кæнын ма бауадзыны мадзæлттыл. Æнæниздзинадхъахъхъæнады къабазмæ цæстдарды Федералон службæйы территориалон къабазы разамонæг Ольга Давыдова куыд радзырдта, афтæмæй Цæгат Ирыстоны сæргълæууæджы хæстæ рæстæгмæ æххæстгæнæнджы амындмæ гæсгæ ныртæккæ цæуы бæрæггæнæн куыст медицинон организациты æмæ афтекты. Баст сты хосты æргътимæ, стæй льготæтæм гæсгæ кæй исынц, ахæм препараттимæ. Абоны онг бæрæггæнæн куыст арæзт æрцыд Кировы районы. Уым раиртæстой аипдзинæдтæ. Æппæт фиппаинæгтæ арвыстой республикæйы Прокуратурæмæ. Штабы уæнгтæ ма æрныхас кодтой, вакцинаци куыд цæуы, ууыл. Регионы разамонæг загъта, ацы фарстайы фæдыл куыд ахсджиаг у республикæйы цæрджытимæ ныхас кæнын.
