Мадзалы архайдтой профилон ведомствæты æмæ комитетты разамонджытæ
Республикæйы Сæргълæууæджы хæстæ рæстæгмæ æххæстгæнæг Сергей Меняйлойы разамындæй арæзт æрцыд промышленнон продукцийы æнæзакъон зилдухы ныхмæ къамисы æмбырд. Мадзалы архайдтой профилон ведомствæты æмæ комитетты разамонджытæ. Боны фæткы сæйраг темæтæй иу уыди, республикæйы медицинæйы кæмæй пайда кæнынц, ахæм хосты хицæн хуызтæн цæстдарæн нысанты маркировкæ æмæ мониторинджы системæ сфидар кæнын. РЦИ-А æнæниздзинадхъахъхъæнынады къабазмæ цæстдарды федералон службæйы территориалон службæйы разамонæг Ольга Давыдова куыд загъта, афтæмæй хостæй чи ифтонг кæны, уыцы хицæн амалхъом адæм æмæ, юридикон бæрнондзинад кæуыл ис, уыдон мониторинджы системæйы домæнтæм гæсгæ, хъуамæ препаратты тыххæй хæссой бæлвырд информаци. Уый у фармацевтон æмæ медицинон къабазы лицензион домæн. Федералон информацион системæ «Маркировка»-йы ацы азы 1-æм июньмæ Цæгат Ирыстонæй регистрацигонд ис 685 архайæджы. 246 дзы сты — медицинон лæггæдтæ чи кæны, ахæм организцитæй. Иннæтæ та — фармацевтон къабазы чи архайы, уыдонæй. Республикæйы æнæниздзинадхъахъхъæнынады министрады бæрны чи ис, уыцы медицинон организацитæ регистрацигонд сты иууылдæр.
