Цæгат Ирыстон иннæ регионты хсæн фыццаг сфидар кодта сæрмагонд документ, æмæ афтæмæй бындур æвæрд æрцыди фондæн
РЦИ-А Сæргълæууæг Сергей Меняйлойы разамындæй ацыд æнæкоммерцион организаци «Креативон индустрийы рæзты фонд»-ы цæстдарæн советы æмбырд. Цæгат Ирыстон иннæ регионты хсæн фыццаг сфидар кодта сæрмагонд документ, æмæ афтæмæй бындур æвæрд æрцыди фондæн. Йæ нысан у 2030-æм азмæ Цæгат Ирыстоны социалон-экономикон рæзты стратеги сæххæст кæнын. Бæлвырддæр та республикæйы сфæлдыстадон индустрийы куыстæн æмбæлгæ уавæртæ аразын. Зæгъын хъæуы уый, æмæ ацы къабаз нымад у регионы рæзты ахсджиагдæр æвæрæнтæй иуыл. Креативон экономикæйы секторы хыгъды ис 16 къабазы, се хсæн аивад, дизайн, модæ, компьютерон графикæ, анимаци, архитектурæ, кино, маркетинг, журналистикæ, ахуырад æмæ æндæртæ. Æмбырды куыд загътой, афтæмæй Фонды хæстæм хауы æрмæст республикæйы имиджыл кусын нæ, фæлæ Уæрæсейы паддзахадон хицаудзинады оргæнтæ цы ведомствæты хсæн проекттыл кусынц, уыдон царды уадзынæн æххуыс кæнын. Размæ вæрд хæсты хсæн – хъæппæристыл кусын, æрвылазон культурон форумтæ аразын, Уæрæсейы æппæт регионты культурон бастдзинæдтæ фидар кæнын. Уымæй уæлдай, нысан кæнынц ахуырадон программæтæ аразын дæр.
