15 ноября 2022, 11:26
Скъола «Интеллект»-ы ахуырдзаутæн зынгхуссынгæнæн-ирвæзынгæнæн хайады уыди гом дуæртты бон
27 сывæллоны сæ ахуыргæнджытимæ уыдысты куыстуаты уазджытæ
Скъола «Интеллект»-ы ахуырдзаутæн Дзæуджыхъæуы зынгхуссынгæнæн-ирвæзынгæнæн хайады уыди гом дуæртты бон. 27 сывæллоны сæ ахуыргæнджытимæ уыдысты куыстуаты уазджытæ. Æнæнхъæлæджы цауты ведомствæйы кусджытæ сывæллæттæн скодтой экскурси æмæ сын радзырдтой зынгхуыссынгæнæн техникæйы æмæ робототехникæйы хуызты тыххæй. Рæзгæ фæлтæрæн равдыстой сæ куысты хицæндзинæдтæ, сæ фæрстытæн сын радтой дзуæппытæ.
