Слестгæнджыты бæрæггæнæнтæм гæсгæ, фарон октябры сывæллон йæ рахиз къух басыгъта фыцгæдонимæ цайданмæ бавналгæйæ
Уæрæсейы слестгæнæн комитет уголовон хъуыддаг байгом кодта, паддзахадоныл нымад чи нæу, ахæм рæвдауæндон «Росинка»-йы сывæллоны къух кæй басыгъд, уый фæдыл. Слестгæнджыты бæрæггæнæнтæм гæсгæ, фарон октябры сывæллон йæ рахиз къух басыгъта фыцгæдонимæ цайданмæ бавналгæйæ. Ныртæккæ хъуыддагыл слест цæуы бæстонæй, куыд æмæ цæмæн рауад, уый тыххæй. Уголовон хъуыддаг байгом кодтой «Фæлхасгæнджыты цардæн æмæ æнæниздзинадæн æдас чи нæу, ахæм лæггæдтæ кæныны» статьямæ гæсгæ. Уæ зæрдыл уын лæууын кæнæм, 2022-æм азы декабры райдиан социалон хызты апарахат рæвдауæндонæй видеоæрмæг, æвдыст дзы цыди хъомылгæнæг сывæллоны сæр стъолыл куыд хоста, уый. Слестгæнæн комитет æмæ прокуратурæ снысан кодтой хъуыддаг равзарын. Слестгæнæн мадзæлтты фæстæ хъомылгæнæджы йæ куыстæй суæгъд кодтой, рæвдауæндонæн та байстой йæ лицензи.
