Архайынц дзы нæ бæстæйы дзыллон инофрмацион фæрæзты минæвæрттæ
Уæрæсейы журналистты цæдисы сæрдар Владимир Соловьев паддзахадон телерадиокомпани Аланийы директор Хъуысаты Тимуры схорзæхджын кодта журналистты цæдисы конкурс «хуыздæр журналистон уацмысы» дипломæй. Жюри стыр аргъ скодта йæ сæрмагонд репортаж «Ковид-госпиталь. Между жизнью»-йæн. Уæ зæрдыл уын æрлæууын кæндзыстæм – ныртæккæ Сочийы цæуы нырыккон журналистикæйы форум «Вся Россия — 2021». Архайынц дзы нæ бæстæйы дзыллон инофрмацион фæрæзты минæвæрттæ. Нæ республикæйы делегацийы ис 23 минæвары, уыдонимæ Паддзахадон телерадиокомпани Аланийы кусджытæ. Фондз боны дæргъы сын араздзысты тымбыл стъолтæ, дæсныйадæвдисæг ахуыртæ, кинонывты равдыстытæ æмæ лекцитæ. Уымæй уæлдай дзурдзысты нырыккон информацион фæрæзты риссагдæр фарстатыл. Журналисттимæ фембæлд мидхъуыддæгты министр Сергей Лавров. Иумæ дзырдтой Уæрæсейы информацион тыгъдады райрæзт æмæ мæнг хабæрттимæ тох кæныныл. Мадзалы архайджытæн арфæйы ныхас арвыста Уæрæсейы президент Владимир Путин дæр. Нæ республикæйы делегацийы презентаци уыдзæнис абон, 14 сентябры. Уазджытæн радзурдзысты Цæгат Ирыстоны туристон хъомысы тыххæй æмæ сæ базонгæ кæндзысты бынæттон мыхуыры фæрæзтимæ.
