04 июня 2019, 12:34
Спортивон скъола «Юность»-ы кæронмæ æрхæццæ Дзæгъойты Аланы футболон турнир
Æрдæгфиналы Стъараполы командæ «Кожаный мяч» фæуæлахиз «Спартак-Алани»-йыл.
Спортивон скъола «Юность»-ы кæронмæ æрхæццæ Дзæгъойты Аланы футболон турнир. Æрдæгфиналы Стъараполы командæ «Кожаный мяч» фæуæлахиз «Спартак-Алани»-йыл. «Юность-2» та 5:2 хыгъдæй рамбылдта Санкт-Петербурджы командæ. Финалы хъазт æнцон нæ уыд, фæлæ фысымтæн бантыст Стъараполы командæйы рамбулын. Хъазт ахицæн 3:2 хыгъдæй, рамбылдта «Юность-2».ЦСКА-йы æмæ Уæрæсейы иугонд командæйы æрдæгфиналист Дзæгъойты Алан Цæгат Ирыстоны футболон турнир аразы 3-аг хат. Архайдта дзы 12 командæйы. Се хсæн 2010-æм азы гуырд футболисттæ дæр. Сты Дзуджыхъæуæй, Беслæнæй, Налцыккæй, Махачкалайæ, Цхинвалæй, Стъараполæй, Пятигорскæй æмæ Санкт-Петербургæй.
темæмæ гæсгæ
