20 сентября 2022, 11:57
Спорты галуан «Манеж»-ы арæзт æрцыд грекъаг-ромаг хъæбысхæстæй гом республикон турнир
Архайдтой дзы 16 азы онг кæуыл цæуы, ахæм лæппутæ
Спорты галуан «Манеж»-ы арæзт æрцыд грекъаг-ромаг хъæбысхæстæй гом республикон турнир. Архайдтой дзы 16 азы онг кæуыл цæуы, ахæм лæппутæ. Турнирæй ссардтой, Уæрæсейы сгуыхт тренер Сументы Кермены æмæ йæ фырты, Советон Цæдисы чемпион, Сументы Сосланы нæмттæ. Уыдон стыр æвæрæн бахастой грекъаг-ромаг хъæбысхæсты райрæзтмæ. Ерыстæ сты æрвылазон. Арæзт æрцыдысты 7-æм хатт. Ацы аз дзы архайдта 187 спортсмены 13 уæзы категорийы. Спорты министрад бацæттæ кодта кубоктæ, майдантæ æмæ кады гæххæттытæ, Сументы бинонтæ та хуыздæрты схорзæхджын кодтой æхцайы премитæй.
темæмæ гæсгæ
