Специалисттæ зæрдæ æвæрынц, уазæлтты рæстæг дæр куыст кæй не рлæудзæн, ууыл
Стадион «Спартач»-ы цалцæггæнæн куыстытæ бацыдысты сæ тæмæны. Цæуынц паддзахадон программæ «Физкультурæ æмæ спорты райрæзт Цæгат Ирыстоны» æххæст кæнгæйæ. Специалисттæ зæрдæ æвæрынц, уазæлтты рæстæг дæр куыст кæй не рлæудзæн, ууыл. Бæлвырддæр радзурдзæн Тъехты Элинæ.
Стадион Спартак цалцæггæнæн куыстыты фæстæ суазæг кæндзæн 15 мин адæймагæй фылдæры. Кæй зæгъын æй хъæуы, йæ хæрзхъæддзинад дæр фæхуыздæр уыдзæн. Уымæ гæсгæ проектон – сметон гæххæттытæм дæр бахастой ивддзинæдтæ.
Декабры хуырыскæсæн трубунæты райдайдзысты кæнын, адæмы хурæй чи хъахъхъæна, ахæм æфсæнконструкцитæ. Кусынц дзы 160 адæймаджы. Сæ фылдæр – бетонгæнджытæ. Трибунæты хæрзхъæддзинад уыдонæй аразгæ у. Уыдзысты дыууæ – хурыскæсæн æмæ ныгуылæн фæрсты. Аивтой сын канд сæ хуыз нæ, фæлæ ма сæ геометри дæр. Ныр сæ иу къул уыдзæн 25 градусы, иннæ та – 27.
Ныры онг куыстытæн сæххæст кодтой сæ 25 %. Азы кæронмæ та æххæстгонд æрцæудзæн 40%. Уазæлтты тыххæй куыстытæ не рлæудзысты.
Хурыскæсæн трибунæ сцæттæ уыдзæн пъланмæ гæсгæ – 2023 азы, мартъийы кæрон. Фæлæ ныгуылæн трибунæ та цалцæг кæнынц, нысангонд рæстæгæй фæстæдæр. Гæнæн куыд ис, æмæ специалисттæн сæ бон куыд у, афтæ кусынц, цæмæй куыстытæ бирæ ма ныффæстиат уой, уый тыххæй.
Уыдзæн дзы цæлгæнæн æмæ фæлладуадзæн бынæттæ, аразынц дзаумæттæ ивæн æмæ хи найæн кæм уа, ахæм бынæттæ сывæллæттæн. Цалцæггæнæн куыстытæ цæуынц паддзахадон программæ «Физкультурæ æмæ спорты райрæзт Цæгат Ирыстоны»-йы фæлгæты.
