филиал вгтрк государственная телерадиовещательная компания “Алания”

Суннитаг мæзджыды уыд ирон æвзаджы бон. Мадзал фыццаг хатт арæзт æрцыд. Архайдтой дзы 40 сывæллоны – 10-æй 14 азы онг кæуыл цæуы, ахæм скъоладзаутæ. Бакастысты ирон поэтты æмдзæвгæтæ. Се *хсæн Хетæгкаты Къостайы, Малиты Георгийы æмæ æндæр авторты уацмыстæ. Бæрæгбонмæ чи æрбацыд, уыдонæн сарæзтой викторинæ. Хистæрты æмæ рæзгæ фæлтæры зонындзинæдтæ сбæлвырд кодтой ирон литературæйæ. Се ппæт архайджытæн скодтой зæрдылдарæн лæвæрттæ –  чингуытæ æмæ сывæллæтты журналтæ ирон æвзагыл. Мадзал бацæттæ кодта Цæгат Ирыстоны пысылмæтты управлени. Фæнд æй кæнынц æдзух аразын сыхаг регионты архайдимæ. Ног фембæлд нысан кæнынц  иннæ аз майы скæнын.