филиал вгтрк государственная телерадиовещательная компания “Алания”

Сыгъдæг Георгий Уæлахизхæссæджы кубок боксæй уыд Беслæны. Архайдта дзы 250 лæппу æмæ чызгæй фылдæр. Рингмæ рацыдысты æвзонг спортсментæ – 14 азы онг кæуыл цæуы, ахæмтæ. Ацы кубок æртыккаг хатт арæзт æрцыд. Йæ нысан у рæзгæ фæлтæрæн радтын, сæ тыхтæ бавзарыны фадат. Мадзал бацæттæ кодтой алайнаг чырыстон æхсæнад «Дзæнгæрæг» æмæ республикæйы боксы федераци, Дзæуджыхъæуккаг æмæ Алайнаг епархийы æмæ Рахизфарсы районы муниципалон сконды сæргълæууæджы æххуысæй. Ацы традицион турнир, гæнæн ис, æмæ суыдзæн регионты *хсæн. Сыхаг республикæтæй тренертæ æмæ спортсментæ загътой сæ фæндон ерысты архайыны тыххæй.