Бирæ азты дæргъы дзы, горæты æндæр ахуырадон уагдæдтимæ æмгуыстады фæрцы, арæзт цæуынц сæрмагонд мадзæлттæ
Сывæллæтты дуне райдзаст кæныныл куыст цæуы Дзæуджыхъæуы 65-æм рæвдауæндоны. Бирæ азты дæргъы дзы, горæты æндæр ахуырадон уагдæдтимæ æмгуыстады фæрцы, арæзт цæуынц сæрмагонд мадзæлттæ. Уыдон се ппæт дæр ахъаззаг сты сабиты сфæлдыстадон авналæнтæ фылдæр кæнынæн. Ныртæккæ æдзухдæр иумæйаг мадзæлттæ кæнынц сывæллæтты музыкалон скъолаимæ, горæты библиотекæимæ, национ музейымæ æмæ æндæр куыстуæттимæ. Сфæлдыстадон конкурс «Театралон фембæлдтытæ» æххæст кæнгæйæ, 65 –æм рæвдауæндон суазæг кодта Дзæуджыхъæуы №45, № 34, №92, №97, №22, №55, №27 г. рæвдауæндæтты коллективтæ. Фестивалы рæстæг гыццыл артисттæ равдыстой сæ арæхстдзинад зарынæй, кафынæй, театралон аивадæй. Æппæт постановкæтæ дæр кæрæдзийæ хицæн кодтой се сфæлдыстадон цæстæнгасæй. Жюрийы уæнгтæ канд аргъ не скодтой сæ алкæйы арæхстдзинадæн дæр, фæлæ ма райстой удæнцойдзинад сабиты зæрдиаг куыстæй.
