Уый тыххæй фехъусын кодтой, национ проект «Æнæниздзинадхъахъхъæнынад» царды æххæст кæныны фæдыл сæрмагонд æмбырды.
Сывæллæтты поликлиникæтæ медицинон кусæнгæрзтæй сифтонг кæнынæн ацы аз республикæйæн радих кæндзысты 78 милуан сомы.
Уый тыххæй фехъусын кодтой, национ проект «Æнæниздзинадхъахъхъæнынад» царды æххæст кæныны фæдыл сæрмагонд æмбырды. Ныхас ма цыд фылдæр дзыллæ дохтырты æркаст куыд ацæуой. Уый фадат дæтты низ йæ райдианты раиртасынæн.
Министрад нысан кæны фельдшерон-акушерон мобилон пункттæ самал кæнын дæр. Сног кæндзысты æрыгон специалисттимæ куыст дæр. Проект «Æнæниздзинадхъахъхъæнынад»-ы 7 регионалон программæты нысан у адæмы царды бонтæ фæфылдæр кæнын æмæ фæкъаддæр кæнын сæ мæлæт. Куыд загътой, афтæмæй нæ республикæйы 65 азæй фылдæр кæуыл цæуы, ахæм нæлгоймæгты нымæц у сылгоймæгтæй 2 хатты къаддæр. Премьер фæсидт, цæмæй фæтынгдæр кæной зæрдæйы æмæ онкологон низтимæ тох. Стæй бакусой фыццаг медицинон æххуыс бакæныны райрæзтыл.
