Турниры уæлахиздзаутæ систы спортивон скъола «Спартачы» æвзонг футболисттæ
Сывæллæтты спортивон скъола «Юносты» уыд Æлбегонты Хасаны номарæн футболон турниры финал. Ерыстæ арæзт æрцыдысты 11-æм хатт. Ацы аз дзы архайдта 8 командæйы. Фыццаг хатт дзы сæ арæхстдзинад æвдыстой, 7-æй 10 азы онг кæуыл цæуы, ахæм сывæллæттæ. Турниры уæлахиздзаутæ систы спортивон скъола «Спартачы» æвзонг футболисттæ. Пенальтиты серийы рамбылдтой «Динамо Владикавказ»-ы хъомылгæнинæгты. Традицимæ гæсгæ ерысты аразджытæ систы футболон клуб «Автодор»-ы фæстаг тренерты хыгъд Давид Двалишвили, Бериты Сослан æмæ Хасаны фырт – Зауыр. Æлбегонты Хасан уыд æхсæнадон архайæг æмæ меценат. Йæ царды фылдæр хай радта спорты ацы хуызæн. Сарæзта æмæ бирæ азты лæууыд футболон клуб «Автодор»-ы сæргъы. Уый уыд йæ сæйраг проекттæй иу. Схъомыл кодта курдиатджын спортменты цалдæр фæлтæры.
