филиал вгтрк государственная телерадиовещательная компания “Алания”

Сывæллæтты технопарк «Кванториум»-ы цæуы проектон фæлтæр «Level Up». Проекты рæстæг Кванториум бабæрæг кодта 120 скъоладзауы. 5-æм къласæй 11-æм къласы онг ахуырдзаутæ ахуыр кæнынц нырыккон технологон æмæ æрдзон наукæты къабæзты бындуртæ. Сæйраг дисциплинæтæй уæлдай проекты фæлгæты ис ирхæфсæн мадзæлттæ. Скъоладзаутæ ерыс кæнынц интеллектуалон викторинæты. Сæ педагогтæ сты стационарон æмæ мобилон технопарк «Кванториум»-ы хъомылгæнинæгтæ. Проект цæуы ныр æртыккаг хатт. Йæ аразджытæ та сты республикæйы ахуырады æмæ наукæйы министрад, ЦИПУ-йы наукон-ахуырадон математикон центр æмæ сывæллæтты технопарк «Кванториум».