Фыссæг йæ радзырдты æмбырдгонд «Ангелы Беса»-имæ архайы номинаци «Аив дзырд æмæ публицистикæ»-йы
Фыссæг Тадтаты Тамерлан хаст æрцыд, «Литературон газеты» фыццаг сæйраг редактор Антон Дельвигы номыл æрвылазон преми райсыны хыгъдмæ. Преми хуыйны «Дзырдæн æмæ Фыдыбæстæйæн кад». Уый тыххæй хъусын кæны информацион агентад Хуссар Ирыстоны Спутник. Фыссæг йæ радзырдты æмбырдгонд «Ангелы Беса»-имæ архайы номинаци «Аив дзырд æмæ публицистикæ»-йы. Чиныджы сæмбырд кодта Цхинвалы хæсты æмæ горæты цæрджыты тыххæй радзырдтæ. Автор йæхæдæг уыд æвдисæн уыцы цаутæн.
Æппæтадæмон литературон конкурс «Русская премия»-йы лауреат, социалон-экономикон æмæ интеллектуалон программæты стипендиат, Тадтаты Тамерлан у Мæскуыйы фысджыты Цæдисы уæнг æмæ сызгъæрин кады нысан «Общественное признание»-йы кавалер. Преми «Золотой Дельвиг» нысангонд æрцыд «Литературон газеты» фыццаг редактор Антон Дельвигы ном арынæн. Ныртæккæ нымад у литературæйы къабазы Уæрæсейы ахсджиагдæр премитæй иуыл. 2012-æм азæй фæстæмæ лæвæрд цæуы алы аз дæр, куыд национ преми «За верность слову и Отечеству».
