Тренировкæ уыд станицæ Луковскæйы сывæллæтты спортивон скъолайы
Æппæтадæмон къласы спорты мастертæ, Европæйы чемпион дзюдойæ Тасойты Инал æмæ Уæрæсейы стæй Европæйы чемпионатты призер Хъайтмазты Батраз Мæздæджы районы æвзонг спортсментæн сарæзтой дæсныйадæвдисæг ахуыртæ. Тренировкæ уыд станицæ Луковскæйы сывæллæтты спортивон скъолайы. Лæппутæн æмæ чызджытæн разминкæ скодтой Хъайтмазты Батрадз æмæ Тасойты Инал. Равдыстой сын уникалон техникæ. Фæсивæд тынг цымыдисæй хъуыстой зындгонд уазджыты амынддзинæдтæм. Уыимæ архайдтой ног приемтæ бахъуыды кæныныл. Мæздæггаг спортивон скъола «Дзюдо»-йы тренер Александр Швецовы ныхæстæм гæсгæ, ахæм фембæлдтытæ тынг пайда сты рæзгæ фæлтæрæн. Æмхиц сæ кæнынц æнæниз цардыуагмæ. Уæдæ ахсджиаг у уæлахизмæ тырнын дæр. Кæронбæттæны уазджытæн ракодтой зæрдылдарæн лæвæрттæ. Æвзонг дзюдоисткæтæ та сылгоймæгты æппæтадæмон боны кадæн сувениртæ райстой спорты мастерты къухтæй.