Арæзт æрцыд Цæгат Кавказы федералон зылды тæтæйраг æхсæнадон организациты разамонджытимæ æмæ Цæгат Ирыстоны национ-культурон иугæндты минæвæрттимæ фембæлд
Татарстаны республикæйы премьер-министры хæдивæг, тæтæйрæгты Æппæтдунеон конгрессы национ советы сæрдар Василь Шайхразиев кусæг балцимæ бабæрæг кодта Цæгат Ирыстон. Фембæлд нæ республикæйы премьер-министр Дзанайты Барисимæ. Æрныхас кодтой национ-культурон æхсæнадты ахадындзинадыл, нациты хсæн ахастдзинæдтæ фидардæр кæныны хъуыддаджы. Фæстæдæр национ наукон библиотекæйы арæзт æрцыд Цæгат Кавказы федералон зылды тæтæйраг æхсæнадон организациты разамонджытимæ æмæ Цæгат Ирыстоны национ-культурон иугæндты минæвæрттимæ фембæлд. Уæзджатын «æгасцæуай» загътой национ политикæйы æмæ æддагон бастдзинæдты министр Бæгъиаты Алан стæй пысылмæтты Управленийы сæрдар Гуæцæлты Хадзымурат. Æмбырды архайджытæ æрдзырдтой тæтæйраг æхсæнадты ивгъуыд азы куысты хатдзæгтыл. Уымæй дарддæр стыр æргом аздæхтой ацы азы нысантæм. Кæронбæттæны уазджытæ бабæрæг кодтой Сунниттаг мæзджыт. Фыццаг моллойæ дзы куыста тæтæйраг Садык Радимкулов Хъазанæй.
