Фылдæр æргом аздахдзысты креативон индустрияйы центр саразынмæ
Цæгат Ирыстон федералон æмвæзадыл æркæсынмæ бахæсдзæн Цæгат Кавакзы кинохроникæйы студийы рæзты проект. Фылдæр æргом аздахдзысты креативон индустрияйы центр саразынмæ. Уымæй дарддæр куыст цæуы сфæлдыстадон фæзтæ саразыныл. Ууыл ныхас цыд, Дзанайты Барисы разамындæй арæзт æмбырды. Сæйрагдæр – ист цæудзысты аивадон æмæ документалон кинонывтæ. Уыимæ ма нысан кæнынц нырыккон анимацийы студи, диджитал-лаборатори, кинойы музей, нырыккон аивады равдысталдон фæз æмæ фæсивæдон театр саразын дæр. Кинохроникæйы студи хъуамæ суа сфæлдыстадон фæсивæды æмæ республикæйы уазджыты иугæнæг æрмадз. Дзанайты Барисы хъуыдымæ гæсгæ, объект у нæ регионы историйы ахсджиаг хай, æмæ йын ис стыр нысаниуæг. Республикæйы Сæргълæууæджы амындмæ гæсгæ, Цæгат Кавказы кинохроникæйы студи сног кæныныл хъуамæ цæуа æнæрлæугæ куыст. Уæдæ исæм федералон æххуыс дæр. Арæзтады æмæ архитектурæйы министрадæн баргонд æрцыд киностудийы модернизацийы сметæйыл бакусын. Уæ зæрдыл уын æрлæууын кæндзыстæм, 2022-æм азы апрелы Уæрæсейы Президенты Указмæ гæсгæ кинохроникæйы студи хаст æрцыд республикæйы исбонмæ.
