Паддзахадон университеты минæвæрттимæ иумæ æрныхас кодтой университетты иумæйаг куыстыл
Æппатадæмон æмгуыстады бастдзинад фидардæр кæнын. Цæгат Ирыстонмæ кусæг балцы ссыд Ираны республикæйы æххæстбарджын минæвар Казем Джалали. Цæгат Ирыстоны паддзахадон университеты минæвæрттимæ иумæ æрныхас кодтой университетты иумæйаг куыстыл. Стыр æргом аздæхтой базарадон-экономикон, гео-политикон, культурон æмæ гуманитарон рæзтмæ. Ныхасы бар Гуытъиаты Алинæйæн.
Историон факультеты бæстыхайы ис наукон библиотекæ. Ам æрбынат кодта Цæгат Кавказы фыццаг æмæ иунӕг ирайнаг культурӕ ӕмӕ фарсийы ӕвзаджы центр. Ираны республикӕйы ӕххӕстбарджын минӕвар Уӕрӕсейы Казем Джалали дидинджытӕ сӕвӕрдта номдзыд персайнаг поэт Фирдоусийы цыртдзӕвӕнмӕ. Афтӕ райдыдта йӕ балц Цӕгат Ирыстонмӕ.
Казем Джалали нӕ республикӕмӕ фыццаг хатт ссыд ӕххӕстбарджын минӕвары хуызы. Кусӕг балц фӕрӕстмӕ – бӕлвырд ныхасы фӕстӕ уазӕг базонгӕ Хетӕгкаты Къостайы сфӕлдыстадимӕ. Казем Джалали куыд загъта афтӕмӕй йӕ панднмия сахуыр кодта комкоммӕ фембӕлдтытӕн уӕлдай аргъ кӕнын. Ирайнаг делегаци федта ЦИПУ-йы наукон-иртасӕн хъомыс ӕмӕ бафиппайдта, дыууӕ республикӕйы ӕхсӕн бастдзинад фидар кӕнын куыд вазыгджын у, уый.
Дыууӕ бӕстӕйы ӕхсӕн бастдзинад ӕнцой кӕны базарадон-экономикон, гео-политикон, гуманитарон, культурон ӕмӕ наукон ахастдзинӕдтыл. Тегеран цӕттӕ у уыцы бастдзинад фӕфидардӕр кӕнын ӕмӕ йӕ дӕсгай азтыл ахӕссын.
Абоны онг ЦИПУ ӕмӕ ирайнаг ахуыргӕнджыты бастдзинад уыдис телефон ӕмӕ видеойы фӕрцы. Ныр та фембӕлдысты цӕсгомӕй цӕсгоммӕ. Пандемия дыууӕ бӕстӕйы ахастдзинӕдтыл тынг нӕ фӕбӕрӕг. Сырӕзт базарадон зилдухы бӕрц, сарӕзтой персайнаг ӕвзаджы ахуыргӕнджыты Фӕндзӕм форум. ЦИПУ ӕмӕ Тегерайнаг университет сараздзысты иумӕйаг наукон проекттӕ истори ӕмӕ ӕвзагзонынады. Тагъд рӕстӕг та Цӕгатирыстойнаг наукон ӕхсӕнад рвйдайдзӕн ӕмгуыстад Ирасы институтмӕ. Уый у ирайнаг егъау наукон, экспертон, аналитикон ӕмӕ иртасӕн центр. Кусы Уӕрӕсӕ, Кавказ ӕмӕ Азийы фарстатыл.
Цӕгат Ирыстонӕн хорз географион бынат кӕй ис, стӕй йӕ культурон, историон бынтӕ, хъӕздыг инфраструктурӕ, бирӕ авналӕнтӕ нымайгӕйӕ гӕнӕн ис ӕмӕ нӕ республикӕ суыдзӕн Уӕрӕсе ӕмӕ Ираны ӕмгуыстады центр. Уыцы хъуыдыйы фарс сты эксперттӕ, стӕй Ирайнаг делегацийы минӕвӕрттӕ дӕр. Ӕххӕстбарджын минӕвар нӕ республикӕйы уыдзӕнис дыууӕ боны. Гӕнӕн ис ӕмӕ ацы балц суа дыууӕ бӕстӕйы хӕлар ахастдзинӕдты ног фӕзилӕн.
