филиал вгтрк государственная телерадиовещательная компания “Алания”

Цæгат Ирыстонмæ кусæг балцы ссыди Уæрæсейы юстицийы министр. Константин Чуйченко бабæрæг кодта Дзæуджыхъæуы слестгæнæн изолятор. Базонгæ ис, ахст адæм цы уавæрты сты, уыимæ. Уый фæстæ бабæрæг кодта республикæйы тæрхондæтты пъырыстыфты службæ, территориалон управленийы офис, стæй республикæйы юстицийы министрад кæм арæзт уыдзæни, уыцы фæз. Уыдзæни дзы лаборатори æмæ лæвар юридикон æххуысы офис. Хатдзæгтыл та æрдзырдтой регионы разамонæг Сергей Меняйлоимæ фембæлды. Куыд загътой, афтæмæй куыстытæ цæуынц æмбæлгæ уагыл, фæлæ дзы ис æркæсинаг хъуыддæгтæ дæр. Зæгъæм, рæстæгмæйы изолятор горæтæй гыццыл дарддæр ахæссын.