Спортсментæ архайынц спаррингты æмæ æфтауынц сæ фæлтæрддзинадыл
Цæгат Ирыстонмæ ссыдысты Донецкы уæгъдибар хъæбысхæсты олимпаг резервы хъомылгæнинæгтæ. Ам сын ис æмбырдтæ. Спортсментæ архайынц спаррингты æмæ æфтауынц сæ фæлтæрддзинадыл. Уыцы иу рæстæг архайынц скъолайы программæйы дæр. Сæхæдæг куыд зæгъынц, афтæмæй Донецкы тренировкæтæ гæнгæйæ иу сæ куыст къылымпы кодта æнæнхъæлæджы цауты хъусынгæнинæгтæй. Æвзонг спортсментыл нæ республикæйы куыд сæмбæлдысты, уый тыххæй Тъехты Элинæйы æрмæг.
Донецкы олимпаг резервы училищæйы уæгъдибар хъæбысхæцты бæрæгбон райдыдта спорт æмæ скъолайы программæйæ. Сывæллæттæ тренировкæты рæстæг дæр фæкæнынц ахуыр. Уроктæн рахай кæнынц 2 сахаты онг. Иннæ рæстæг та – тренировкæтæ. Анастасия Церковная йе мбалимæ фыццаг æрбацыд, цæмæй цавæр спорты хуыз у, уый фена. Фæлæ ныр 4 азы архайы уæгъдибар хъæбысхæцтæй. У ерысты уæлахиздзау æмæ призер. Уарзы йæхиуыл кусын.
Даниил Трифоновæн ахсджиаг уыд тренировкæтæ кæнынмæ Ирыстонмæ æрцæуын. Ам лæппу йæхиуыл кусы æмæ йæ дæсныйады æмвæзад уæлдæр кæны. Йæ райгуырæн Донецкы тренировкæтæ ахицæн сты. Сахатгай йæ хъуыд ныккæнды бадын.
Хæдзары æнхъæлмæ кæнынц ныййарджытæ æмæ хотæ. Даниил фæнд кæны йæ бинонтимæ æрцæрын Ирыстоны. Фидæнмæ йæм фæндонтæ бирæ ис.
Цæгат Ирыстонмæ æрцыдысты, цæмæй тренировкæтæ кæной уæгъдибар хъæбысхæцты бæстæйы хуыздæр скъолайы. Спортсментæ райсынц ногзонындзинæдтæ æмæ фæуæлдæр кæнынц сæ дæсныйады æмвæзад. Анастасия Рубан дæр архайы уæгъдибар хъæбысхæцтæй. Чызг ахуыр кæны тренерыл, цæмæй æрыгон спортсментæй араза чемпионтæ.
Герман Сергеенко дæр у фидæны тренер. Фæлæ Анастасияимæ абаргæйæ Гермæны фæнды хистæр спортсменты ахуыр кæнын. Кæд уæгъдибар хъæбысхæцтæй архайы 8 азы, уæддæр лæппу йæхиуыл кусы, цæмæй хъæугæ зонындзинæдтæ райса. Тренировкæтæ кодта йæ Райгуырæн Бæстæйы зындзинæдтæ нæ хынцгæйæ.
Донецкы олимпаг резервы училищæйæ рацыдысты бирæ хъуыстгонд спортсментæ. Уыдон сты олимпаг чемпионтæ Илья Мате, Европæйы чемпионкæ Татьяна Лазарева æмæ дæнейы дыууæ хатты чемпион Михаил Хорачура. Фæсивæд сæхицæн дæнцæгæн исынц Ирыстойнаг хъæбысæйхæцджыты дæр.
