Хуыздæрыл нымад æрцыди номинаци «Регионалон экспозицийы хуыздæр аивадон рацарæзт»-ы.
Цæгат Ирыстоны адæмон æрмдæсныйады райрæзты центр сси «Ладья. Зимняя сказка-2023»-йы уæлахиздзау. Хуыздæрыл нымад æрцыди номинаци «Регионалон экспозицийы хуыздæр аивадон рацарæзт»-ы. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Хъæдæй, згъæрæй, нымæтæй конд æрмæджытæ, кæлмæрзæнтæ, алыхуызон хæдзары дзаумæттæ æмæ аивгæнæнтæ. Æрмдæснытæ сæ иууылдæр скодтой сæхи къухтæй. Сæйрагдæр уыди уый, æмæ алы дзаумæ кæнгæйæ дæр хъуамæ хынцтаиккой рагон традицитæ. Равдыстмæ хаст æрцыдысты, нæ рагфыдæлтæ цы хæцæнгарзæй пайда кодтой, уыдоны хуызтæ дæр, музыкалон инструменттæ, национ уæлæдарæсы элементтæ, национ хъазæнтæ. Ацы равдыст Уæрæсейы у иунæг проект, бæстæйы æппæт адæмыхæттыты аивад æвдыст кæм цæуы, ахæм.
