филиал вгтрк государственная телерадиовещательная компания “Алания”

Цæгат Ирыстоны æххæст кæнын райдыдтой проект «Музейтæ – сывæллæттæн». Конд æрцыд Сергей Меняйлойы амындмæ гæсгæ. Нырæй фæстæмæ республикæйы скъоладзаутæн фадат уыдзæн музейтæм лæвар цæуынæн, æмæ афтæмæй нæ культурæмæ æмæ аивадмæ æмхиц кæнынæн. Уый хорз уæлæмхасæн фæрæз уыдзæн скъолайы сæйраг ахуыртæм. Педагогтæн сæ бон уыдзæн сæхицæн æвзарын, ахуыргæнæн программæмæ цавæр объекттæ хаст æрцæудзысты, уый. Проектыл бакуыстой ахуырады æмæ культурæйы Министрадтæ. Профилон министр Алыбегты Эллæ куыд радзырдта, афтæмæй ацы цау у тынг ахадгæ нæ регионы ахуырады системæйæн. Уæрæхдæр кæны скъоладзауты арæнтæ, æмæ сын уæлдæр кæны сæ культурон рæзты æмвæзад.