8-æм сентябры, хъæлæс кæныны иумæйаг бон кæсдзысты æвзæрстыты цыдмæ.
Цæгат Ирыстоны æхсæнадон палатæйы эксперттæ сарæзтой æхсæнадон цæстдарджытæн семинар. 8-æм сентябры, хъæлæс кæныны иумæйаг бон кæсдзысты æвзæрстыты цыдмæ.
Ацы аз республикæйы кусдзæн 144 æвзарæн хайады, уыдоны 127 сты Дзæуджыхъæу, иннæтæ Æрæфы , Дыгуры æмæ Мæздæджы районты. Мадзалы архайджытæн радзырдтой цæстдарæджы куысты тыххæй, цы кæнын хъæуы, закъонхæлд куы цæуа, уæд, дæнцæгæн фароны æвзæрстыты цаутæ æрхæсгæйæ. Æхсæнадон палатæйы регионалон хайады сæргълæууæг Нина Чиплакова фæбæрæг кодта ахуырты нысантæ, æмæ загъта ахсджиаг кæй у, гом æмæ æргом æвзæрстытæ саразын. Йæ ныхæстæм гæсгæ, ныридæгæн стыр куыст бакодтой – сбæрæг кодтой кусæг къорд, бафыстой æвзарæн къамисимæ æмгустады бадзырд. Цæстдарджытæн фарстатæ куы сæвзæра, уæд сыл дзуæппытæ ссарæн ис æхсæнадон палатæйы сайты.
