Дзæджыхъæуы кæронмæ æрхæццæ кæны бырæтты полигоны рекультиваци
Цæгат Ирыстоны æнтыстджынæй æххæст кæнынц национ проект «Экологийы» мадзæлттæ. Дзæджыхъæуы кæронмæ æрхæццæ кæны бырæтты полигоны рекультиваци. Объекты æппæт куыстытæ фæуыдзысты мартъийы кæрон. Хицауады пресс-службæ куыд хъусын кæны, афтæмæй ныридæгæн сцæттæ сты Алагир, Æрыдон, Дигора æмæ Беслæны алывæрсты цы æнæзакъон бырондæттæ ис, уыдоны рекультивацийы проекттæ. Сæ сæххæст кæнынæн фæрæзтæ бавæрдтой 2023-æм азы бюджеты. Нæ республикæйы дарддæр æххæст кæнынц, æмбал кæмæн нæй, уыцы доны объекттæ бахъахъхъæныны программæ. Уый у – национ проект Экологийы къабаз. Йæ фæрцы сыгъдæг кæнынц Бехъаны æмæ Мæздæджы цадтæ. Куыстытæ фæуыдзысты ацы азы кæронмæ. Уымæй уæлдай коммуналон хауæддзæгтимæ архайыны регионалон проекты фæрцы Цæгат Ирыстоны балхæдтой æмæ æрæвæрдтой 750 пластик контейнеры бырæттæ хицæнæй æмбырд кæнынмæ
