Бæлвырддæр та – тынгдæр хъахъхъæд цæудзысты нæзы æмæ заз бæлæстæ кæм зайынц, уыцы хъæдтæ
Цæгат Ирыстоны æрдзон æвæрæнты æмæ экологийы министрад ног азы бæрæгбæтты агъоммæ рахиздзæн карздæр куысты фæткмæ. Бæлвырддæр та – тынгдæр хъахъхъæд цæудзысты нæзы æмæ заз бæлæстæ кæм зайынц, уыцы хъæдтæ. Пъæлицæйæгтимæ иумæ араздзысты рейдтæ. Стыр æргом здахдзысты, алы аз заз бæлæстæ æнæзакъонæй кæм акалынц, уыцы бынæттæм. Профилон министрадæй куыд фехъусын кодтой, афтæмæй мобилон къордтæ æхсæвæй бонæй рад хæсдзысты республикæйы районты хъæды хæдзарæдты. Рейдтæ цæудзысты Алагиры, Æрæфы, Кировы, Мæздæджы æмæ Дзæуджыхъæуы хæдзарæдты. Бæлæсты æнæзакъон калды тыххæй æмбæлы административон æфхæрд æмæ ивартæ. Уыимæ хицæн адæймæгтæ фиддзысты 4 мин сомы онг. Юридикон бæрнондзинад кæуыл ис, уыдон та ивар фиддзысты 300 мин сомы онг. Æмæ ууыл сæ ивар нæ фæуыдзæн. 5 мин сомæй фылдæры аргъæн зиан куы æрхæссой, уæд ма закъонхалæг баййафдзæн уголовон æфхæрд дæр. Уый тыххæй дæр фехъусын кодта æрдзон æвæрæнты æмæ экологийы министрад.
