Сæрмагондæй уый тыххæй нæ республикæмæ ссыдысты Мæскуыйы паддзахадон педагогон университеты кусджытæ
Цæгат Ирыстоны ахуыргæнæндæтты разамонджытæ ацæудзысты сæ фæлтæрддзинад фылдæргæнæн курсытæ. Сæрмагондæй уый тыххæй нæ республикæмæ ссыдысты Мæскуыйы паддзахадон педагогон университеты кусджытæ. Къуырыийы дæргъы педагогтæн дзурдзысты ног ахуырадон технологиты тыххæй. Институты директор Марина Шалашова хорзыл банымадта Цæгат Ирыстоны ахуыргæнджыты куыст пандемияйы рæстæг. Мæскуыйаг уазджытæн раарфæ кодта нæ республикæйы ахуырады æмæ наукæйы министр Людмила Башарина. Куыд загъта, афтæмæй йæ зæрдæ дары, ацы курсыты фæрцы ахуырады системæ ног тенденцитæм гæсгæ кæй æрцæудзæн арæзт, ууыл. Уыцы-иу рæстæг 11 скъолайы сæ фæлтæрддзинад фылдæр кæнынц, иумæйаг паддзахадон фæлварæнты æппæтæй ахадгæдæр цы предметтæ сты, уыдоны ахуыргæнджытæ. Æдæппæтæй сæ зонындзинæдтыл бафтаудзысты 3000 педагогы. Уымæ гæсгæ ахæм курсытæ рагæй хъуыдысты.
