27 февраля 2024, 14:52
Цæгат Ирыстоны арæзт æрцыдысты традицион зымæгон чемпионат мотокроссæй æмæ эндуро-кроссæй
Сæ арæхстдзинад æвдыстой ветерантæ æмæ ацы спорт чи уарзы, уыдон
Цæгат Ирыстоны арæзт æрцыдысты традицион зымæгон чемпионат, республикон турнир æмæ Цæгат Кавказы федералон зылды кубок рамбулыны ерыстæ мотокроссæй æмæ эндуро-кроссæй. Сæ арæхстдзинад æвдыстой ветерантæ æмæ ацы спорт чи уарзы, уыдон. Ерысты архайдтой 70 адæймаджы. Уыдон уыдысты 8-æй 70 азы онг кæуыл цæуы, ахæм спортсментæ Уæрæсейы 19 регионæй. Архайджытæ сæ тыхтæ бавзæрстой 17 къласы. Сæйраг нысан уыд, алыхуызон цæлхдуртимæ 3 километры дæргъæн æхгæд трассæйыл ацæуын. Спортсменты хъуыд 15 минутмæ дистанцæйыл фылдæр хатт æрзилын. Ерыстæ сарæзтой Цæгат Ирыстоны физкультурæ æмæ спорты министрад æмæ автомотоспорты Федераци.
темæмæ гæсгæ