Баззади ма дзы лыстæг куыстытæ
Цæгат Ирыстоны арæзт цæуы ихыл спорты хуызтыæй чи архайы, ахæм спортсменты цæттæ кæныны центр. Конд у 90%. Уый тыххæй йæ телеграм-каналы фехъусын кодта Сергей Меняйло. Баззади ма дзы лыстæг куыстытæ. Комплексы уыдзæни дыууæ ихын фæзы. Иу – профессионалон спортсментæн, иннæ та, къаддæр – æрæджы чи рацыди ихмæ, ахæм фæсивæдæн. Уымæй уæлдай, центры уыдзæн тренировкæтæ кæнæн сæрмагонд залтæ, фæлладуадзæн агъуыст, спортивон фæзтæ. Арæзтады дыккаг къæпхæны дзы фæзындзæн мини-футболы фæз, теннисы корттæ, хæрæндон. Спортивон комплексы дыккаг уæладзыджы та арæзт æрцыд 40 бынатæн гыццыл фысымуат, спортсментæн. Октябры райдиан скусын кæндзысты уазалгæнæн системæ. Агрегаты куыст кæны Мæскуыйы Сырх Фæзы ихын аренæ чи арæзта, уыцы компани. Ацы центр Уæрæсейы Хуссар хайы уыдзæни стырдæртæй иу, загъта Сергей Меняйло.
